Gjykata e Posaçme ka pushuar çështjen për kryebashkiakun e Libohovës, Leonard Hida, i cili ishte marrë i pandehur nga SPAK.
Hida akuzohej për shpërdorim detyre në kohën kur mbante postin e Shefit të Krimeve në Komisariatin e Gjirokastrës, lidhur me kultivimin e kanabisit.
Bëhet fjalë për një operacion antidrogë të vitit 2021, ku u zbuluan disa pltancaioni me kanabis. Asokohe u konstatua se disa kontrolle nga policia lokale ishin shmangur, çka do të thotë se kishte një bashkëpunim me policinë.
Përfshirja e Hides në këtë aktivitet doli në kuadër të hetimeve dhe transkriptimeve nga Prokuroria e Gjirokastrës, e cila regjistroi procedimin penal. Por në kohën kur konstatoi përfshirjen e zyrtarëve policor në aktivitetin kriminal, shpalli mos-kompetencë duke ia kaluar SPAK-ut.
