Deputeti demokrat Edi Paloka ka reaguar pas publikimit të fakteve nga SPAK, të “implikimit” të ish-kryeministrit Sali Berisha në dosjen për kompleksin Partizani.
Përmes një postimi në rrjete sociale, Paloka e quan sjelljen e SPAK-ut komike, teksa shkruan me ironi:
“Ja dhe “fakti” tjeter “trondites”; Berisha ka njoftuar zonjen per emerimin e saj drejtoreshe,- referuar dëshmisë së Justina Boriçit, ish-drejtoresha e Agjencisë së Kthimit dhe Kompensimit të Pronave përgjatë gushtit të 2006-ës deri në qershor të 2007-ës, e cila në dëshminë e saj shprehet se emërimet i vinin me urdhër të Kryeministrisë dhe drejtpërdrejtë nga zoti Berisha, asokohe kryeministër.
Postimi i plotë:
Ja dhe “fakti” tjetër “tronditës”; Berisha ka njoftuar zonjën për emërimin e saj drejtoreshë !!!
Kjo sjellje e SPAK-ut do ishte më shumë se komike sikur mos ishte dramatike…
