Partizani në vitet e fundit ka hedhur sytë në tregun afrikan, ku synon të sjellë lojtarë sa më të talentuar dhe të vlefshëm për skuadrën.
Dhe kjo mënyrë pune, e nisur rreth 3 vite më parë, duket se po jep efekt pozitiv. Të kuqtë e kanë kthyer Afrikën në një “krater thesaresh”, pasi kanë arritur të afrojnë lojtarë me shumë cilësi, të cilët janë shitur ose po kërkohen për momentin. Në verë u shit Matondo për rreth 600 mijë euro, teksa për Mba është refuzuar një ofertë 150 mijë eurosh.
Maget është i radhës në merkato. Nga 20-vjeçari të kuqtë do të synojnë të fitojnë një shifër të ngjashme me atë të Matondos. Bintsuka është gjithashtu një lojtar për të cilin ka interes nga Astana.
