Vllaznia ka siguruar fitoren e dytë radhazi në Superiore, duke u ngjitur përsëri përkohësisht në katërshen e parë të kampionatit. Një fitore me vlerë të dyfishtë për kuqeblutë, të cilët kanë mundur në kryeqytet Tiranën me shifrat 1-o.
Shkodranët ishin më kërkues në pjesën e parë teksa gjetën avantazhin me një penallti të Balajt, Më pas, ata u mbrojtën me shumë rregull, duke u munduar të mos lejonin bardheblutë të shënonin, Pasaktësia e këtyre të fundit para Qarrit bëri të vetën dhe kështu, sfida u mbyll me fitoren 1-0 të Vllaznisë e cila iu bashkua në kuotën e 23 pikëve pikërisht Tiranës.
90’+7’ Mbyllet ndeshja me fitoren 1-0 të Vllaznisë.
90’+6’ Mala nis Salën në zonë dhe ky i fundit edhe pse i vetëm, gabon gjithccka duke dërguar sferën jashtë. (VIDEO)
90’ Jepen 7 minuta shtesë.
90’ Një harkim në zonë gjen Kaina i cili gjuan me kokë, Haxhiu nuk ia del të devijojë dhe Qarri kontrollon në ufnd sferën. (VIDEO)
88’ Boshnjaku i lë vendin Salës në radhët e Vllaznisë. Ndërkohë Deliu i bën vend Tolës në radhët e Tiranës.
86’ Mala është kthyer në elementin më të rrezikshëm të kuqebluve që nga momenti kur hyri në fushë. Një top i tij nga e majta devijohet nga Kozi.
83’ Top ne thellësi për Malën i cili nuk kontrollon siç duhet dhe Kozi devijon sferën që përfundon më pas jashtë.
82’ Haxhiu ka mundësinë të rrezikojë me një goditje dënimi nga e majta e sulmit, por harkon sferën direkt në duart e Qarrit.
79’ Pas një goditje nga këndi, topi shkon te Lulaj i cili nuk gjen devijimin me roveshatë. Pastaj është Përgjoni i cili gjuan, pa gjetur portën me tentativën e tij. (VIDEO)
77’ Smajli ndëshkohet me karton të verdhë për një ndërhyrje ndaj Haxhiut.
76’ Çoba i lë vendin ne fushë Pusit në minutat e fundit.
68’ Mala merr vendin e Grudës në pjesën e mbetur të ndeshjes.
67’ Kaina me kokë fiton në duel ajror por nuk gjen portën e Qarrit. (VIDEO)
66’ Raste në të dy portat brenda pak sekondash, ku fillimisht Qarri bën një ndërhyrje vendimtare në zonën e tij e pastaj nga ana tjetër Gruda gjuan jashtë nga një pozicion i favorshëm. (VIDEO)
65’ Latifi dhe Lushkja i lënë vendin në fushë Jonuzit dhe Haxhiut për bardheblutë.
65’ Lulaj i afrohet barazimit me një devijim me thembër në zonë, Qarri ndërhyn në mënyrë instinktive dhe largon sferën. (VIDEO)
63’ Përgjoni ndëshkohet me karton të verdhë për një faull në mesfushë.
60’ Deliu nga ana tjetër gjendet në një pozicion të favorshëm ballor, gjuajtja e tij përsëri është e pasaktë dhe përfundon jashtë. (VIDEO)
59’ Boshnjaku provon të gjejë rrjetën me një gjuajtje nga rreth 25 metra, diagonalja e tij përfundon jashtë katërkëndorit të bardhebluve. (VIDEO)
52’ Shfaqet rrezikshëm edhe Abazaj në të djathtën, teksa provon të mposhtë Qarrin por gardiani ndalon gjuajtjen e tij. (VIDEO)
50’ Pasiguri në prapavijën e Vllaznisë, Latifi kalon Qarrin por pastaj nuk ia del të kthejë topin drejt portës dhe mbrojtja e kuqebluve largon rrezikun. (VIDEO)
46’ Menjëherë një top i gjatë i bardhebluve për Kaina, sfera kontrollohet qetësisht nga Qarri në zonë.
46’ Nis pjesa e dytë me një zëvendësim te Tirana ku Lulaj merr vendin e Najdovskit të dëmtuar.
45’+1’ Mbyllet me avantazhin 1-0 të Vllaznisë pjesa e parë.
45’ Jepet 1 minutë shtesë.
45’ Lushkja ndëshkohet me karton të verdhë për faull ndaj Çobës.
44’ Gruda nis Çobën në të majtën, sulmuesi vonohet në zonë dhe as nuk gjuan e as nuk pason duke humbur rrezikshmërinë e aksionit.
43’ Diagonale tokazi e Alivodës nga e djathta, sfera përsëri përfundon jashtë katërkëndorit.
41’ Pas një goditje nga këndi, Alivoda me kokë tenton portën, pa arritur të shenjestrojë siç duhet duke çuar sferën jashtë katërkëndorit.
37’ GOOOL VLLAZNIA! Shënon Balaj me penallti. (VIDEO)
36’ Penallti për Vllazninë! Pas një goditje këndi, Kaina prek topin me dorë dhe gjyqtari nuk heziton duke bërë shenjë nga pika e bardhë. (VIDEO)
34’ Hoxhallari ndëshkohet me karton të verdhë për një faull ndaj Grudës.
33’ Prej disa minutash luhet vetëm në gjysmëfushën e bardhebluve, me shkodranët që kërkojnë më shumë golin e avantazhit.
28’ Pas një goditje këndi, ka rrëmujë pranë portës së bardhebluve me topin që mbetet pak çaste para Kozit, por në fund mbrojtja largon rrezikun.
21’ Pas goditjes nga këndi, Juriç me kokë provon portën, pa gjetur katërkëndorin e Kozit.
21’ Çoba nga e djathta hyn në zonë e kalon Hoxhallarin, por Meta kthehet dhe largon topin në këndore.
15’ Tentativë e lehtë nga distanca e Deliut, Qarri kontrollon pa shumë probleme.
10’ Kozi largon një harkim në zonë, Smajli provon nga e djathta të gjuajë menjëherë në portë, por nuk gjen katërkëndorin. (VIDEO)
7’ Balaj ka mundësinë që të rrezikojë me një goditje dënimi ballore, topi ndalet nga muri mbrojtës.
3’ Menjëherë mundësi e rrezikshme për Tiranën pas një gjuajtje të fortë të Metës nga jashtë zonës, Qarri grushton e më pas Kaina çon topin jashtë katërkëndorit. (VIDEO)
1’ Nis dueli në “Selman Stërmasi”.
FORMACIONET ZYRTARE:
TIRANA: Kozi, Doka, Najdovski, Hoxhallari, Përgjoni, Meta, Deliu, Lushkja, Latifi, Abazaj, Kaina.
Trajner: Julian Ahmataj
VLLAZNIA: Qarri, Smajli, Juriç, Stojanoviç, Hakaj, Alivoda, Krymi, Boshnjaku, Çoba, Gruda, Balaj.
Trajner: Qatip Osmani
