Përveç tri ndeshjeve të radhës, ku do të diskutohet edhe një trofe si ai i Superkupës, Partizani po mendon thellë edhe për të ardhmen e skuadrës, saktësisht për kontratat e lojtarëve.
Ka ardhur një moment, kur një numër i madh lojtarësh duhet të kristalizojnë të ardhmen e tyre dhe janari do të duhet të qartësojë gjithçka. Titullarë si Murataj, Atanaskoski dhe Sota kanë kontratë deri në verë, ndërsa të tjerë si Maget apo Bintsuka dalin të lirë në verën e vitit 2025.
Në të dyja rastet do të duhet me patjetër të operohet me rinovimet e kontratave dhe te Partizani e dinë mirë këtë. Në ditët në vijim pritet që disa prej emrave të mësipërm t’u vihen në tavolinë propozimet e reja.
