Me hapa të vegjël, por diçka po lëviz. Nëse pak kohë më parë dukej thjesht e pamundur, tani mund të bëhet realitet. Po flasim për Romën dhe Jose Mourinho-n. Dy vite e gjysmë më parë, kur Jose Mourinho zbarkoi në Romë tifozët nisën të ëndërron për gjëra të mëdha, por sigurisht nuk e kishin imagjinuar që në vitin e tij të parë, portugezi do t’i sillte një trofe evropian, ndërsa do t’i dërgonte sërish në finale vitin e ardhshëm.
As këto rezultate historike nuk mjaftuan që drejtuesit e klubit t’i ofronin një kontratë të re, fakt është që në fund të këtij sezoni trajnerit i përfundon kontrata. Këtë periudhë të gjithë flisnin se Mou do të transferohej në Arabi, madje as vetë trajneri nuk bëri asgjë për të hedhur poshtë këto zëra, por situata me sa duket ka ndryshuar shumë këto ditë, aq sa portugezi është gati të firmos një kontratë të re me verdhekuqtë.
Pavarësisht emrit, Mourinho nuk është se ka kërkesa të çmendura, thjesht kërkon një ekip më cilësorë, për të konkurruar në dy fronte, dhe të ketë mbështetjen e klubit. Ndërkohë drejtuesit e Romës kërkojë të mbajnë vendin e katërt, pra të sigurojnë një vend në Champions, ndërsa përpara Krishtlindjeve mund të ndodhë që tifozët të marrin një dhuratë të çmuar, firmon e Mourinho-s në kontratën e re.
