Kuvendi Kombëtar i Partisë Demokratike të drejtuar nga Sali Berisha, mbajtur ditën e shtunë, ishte tema e mbrëmjes së sotme në studion e emisionit ‘Pushteti’ në Fax News me drejtuesin Besnik Sulejmani.
Sakaq në debat u fol për edhe rezultatin e opozitës në zgjedhjet e 14 majit. Për Evdar Kodhelin, rezultati i opozitës prej 500 mijë votash ishte një meritë. Ndërsa, avokati Goxhaj thotë se me këtë ide opozita po abuzon me besimin e qytetarëve. Opozita premtoi fitoren para zgjedhjeve, ndërsa kur mori 500 mijë vota u krenua dhe tha se jemi opozita e vërtetë.
Kodheli: I jeni qepur opozitës, si t’i ruajë opozita 500 mijë vota. E quaj meritë që ato 500 mijë vota u morën.
Goxhaj: Ju po abuzoni me këtë, prandaj nuk do merrni më vota. I keni mashtruar ato që ju dhanë votat. Ju thoni se keni marrë 500 mijë vota dhe prandaj ne jemi opozitë. Është turp, sepse i mashtruat njerëzit. Jemi krenarë thoni se keni marrë 500 mijë vota. Këta legjitimuan karrigen.
Kodheli: Unë dhashë një kontribut qytetar.
Goxhaj: Këta përdorin kandidatë që të merrnin votat dhe të thonin kemi 500 mijë vota dhe jemi legjitimë.
Kodheli: Ashtu do ta shikosh ti.
Goxhaj: E shoh zi e më zi.
