Një nga ministrat aktualë të Qeverisë Rama shfaqet në bisedat e “Sky ECC” me një nga të arrrestuarit në operacionin “Metamorfoza2”. Kjo u bë publike nga gazetari Basir Çollaku gjatë një interviste për Euronews Albania, ku tha se drejtuesi i SPAK-ut, Altin Dumani, në jo pak raste shfaqet nervoz, lidhur me disa nga dosjet që janë në duart e prokurorëve të Prokurorisë së Posaçme.
Gazetari theksoi se do të ishte e drejtë që nga aspekti moral, kryeministri Edi Rama, ministri i Brendshëm, Taulant Balla dhe ai i Drejtësisë, Ulsi Manja, të dalin hapur dhe të deklarojnë nëse ndonjëherë ata, apo të afërm të tyre kanë përdorur telefona Sky.
Këto s’janë më dosje që kanë akses vetëm njerëzit e drejtësisë shqiptare dhe mund t’i fshehin dhe të bëjnë ç’të duan me të. Maksimumi, fitojnë kohë, i zvarrisin pjesërisht”, u shpreh Çollaku.
