Një ngjarje e rëndë ka ndodhur pasditen e sotme, teksa të paktën 4 persona të armatosur dhe të maskuar kanë grabitur një argjendari dhe kanë shkëmbyer zjarr me policinë. Si pasojë e të shtënave ka mbetur i plagosur një efektiv policie.
Ngjarja ka ndodhur në Suharekë, ndërsa persona të armatosur grabitën argjendarinë “Diakos”. Një patrullë policie ka ndërhyrë, por janë sulmuar me armë nga grabitësit dhe për pasojë ka mbetur i plagosur polici Florim Bytyqi.
Të dyshuarit qëlluar në drejtim të tij, duke i shkaktuar plagë në këmbë.
“Sapo policia ka mbërritur në vendngjarje të dyshuarit kanë shtënë me armë zjarri në drejtim të policisë, një zyrtar policor është plagosur, ai ka marrë trajtim mjekësor dhe është jashtë rrezikut për jetë”, tha një Zëdhënës i Policisë.
