Ish i dashuri i Eglantina Isufit, 30-vjeçares që braktisi foshnjën e porsalindur në Yzberisht disa ditë më parë në një deklaratë sot për emisionin “Me Zemër të Hapur” u shpreh se nuk ka qenë në dijeni se ajo ka qenë shtatzënë.
Pas deklaratës së tij po në një lidhje me emisionin, përmes celularit, e reja iu përgjigj deklaratave të ish-të dashurit, duke thënë se ai ishte në dijeni për shtatzëninë, duke shtruar se ai dëshiron të dalë i larë nga kjo situatë.
“Disa gjëra nuk janë të vërteta. I kam treguar që kam qenë shtatzënë. Nuk kam komunikime sepse kam ndërruar numër. Nuk pranova sepse nuk dua që dikush të më komandojë. Ai do që të dalë i larë vetë. Tani u kujtua për foshnjën që e linda unë”, u shpreh e reja.
