Partizani vijon punën në fushë, por edhe jashtë saj, aty ku megjithëse jo me shpejtësinë e pritshme, po vijon procesin e zbatimit të projektit të kompleksit.
Aktualisht punimet janë përqendruar në pjesën e hotelit të skuadrës, ku në harkun e pak javëve pritet të akomodohen lojtarët që banojnë në hotelin e marrë me qira në zonën e Liqenit Artificial.
Aktualisht është thuajse drejt mbylljes së punimeve kati i dytë, teksa së fundmi po punohet me ritëm të lartë edhe në katin e parë, ku do të vendoset restoranti dhe pjesa e kuzhinës.
Ndërkohë, ditën e djeshme ka përfunduar edhe vendosja e banerave pas portave, që klubi ka vendosur t’i mbuloje me sponsorët. Siç dihet, pritet prej kohësh prishja e godinave të ish-Hartografisë për t’i hapur rrugën ndërtimit të dy fushave stërvitore.
