Së fundmi “Transfermarkt” ka publikuar vlerat e reja të skuadrave dhe lojtarëve në merkato, ku Partizani ka pësuar sërish rritje dhe ka shtuar diktatin si skuadra më e shtrenjtë në kampionatin tonë.
“Demat” vlejnë plot 6.23 milionë euro në merkato, duke pasur një diferencë të madhe me dy ndjekëset. Egnatia vlen 5.2 milionë euro dhe Tirana 5.03 milionë.
Sa u përket lojtarëve më të shtrenjtë, Duamena (700 mijë euro) vijon të mbajë “kurorën”, por një rritje të madhe në vitin fundit e ka pësuar Arinaldo Rrapaj, i cili sot kushton 600 mijë euro, duke u rritur plot 150 mijë euro vetëm në këtë përditësim. Rritje të konsiderueshme ka pësuar edhe Maget, që vlen 350 mijë euro dhe Bintsuka, 325 mijë euro.
