Prokuroria e Posaçme kundër Korrupsionit dhe Krimit të Organizuar është në pritje të kryebashkiakut të Kamzës Rakip Sulit, të cilit i është dërguar ‘ftesa’ për të dytën herë, pasi ai nuk u paraqit ditën e sotme.
Kryebashkiakut Rakip Suli duhet të paraqitet më 6 nëntor. Në rast të mos paraqitjes së Sulit dhe kryetarit të këshillit bashkiak të Kamzës, SPAK do të urdhërojë shoqërimin e tyre nga policia e Kamzës.
Hetimet po zhvillohen në raport me dy denoncime. Njëra prej tyre nga anëtarët e Këshillit Bashkiak të Kamzës në adresë të kryebashkiakut Rakip Suli. Për këtë çështje në orën 10:00 ishte thirrur edhe kryetari i Këshillit Bashkiak, z.Peposhi i cili ka refuzuar të paraqitet, ndonëse SPAK i ka dërguar ftesën si person që ka dijeni, por edhe si person i kallëzuar përmes policisë lokale.
