Lulzim Basha, i cili ka marrë drejtimin e PD-së së vulës dhe njihet nga Gjykata si kryetar, dhe si rrjedhojë edhe nga socialistët që i referohen për çështje të tilla Gjykatës, sot nuk ishte prezent në seancën plenare.
Basha dhe disa nga mbështetësit e tij deputetë duket se kanë qenë në angazhime të tjera politike, edhe pse grupimi që përfaqësojnë pas çdo seance parlamentare, jep opinione mbi sjelljen e deputetëve opozitarë. Kështu ndodhi edhe sot kur në emër të grupimit reagoi Kreshnik Çollaku që natyrisht kritikoi deputetët e opozitës për tensionet.
Pas seancës plenare, Gazmend Bardhi ka ironizuar mungesën e Lulzim Bashës në Kuvend.
“Ju keni bërë një pyetje pa interes për shqiptarët, ai kur ka beteja opozita merr pushim”, tha Bardhi duke iu përgjigjur pyetjeve të gazetarëve.
