Momente tensioni janë shënuar gjatë protestës së 171-të kombëtare, të zhvilluar ditën e sotme përpara Kryeministrisë, ku ndërhyrja e policisë është shoqëruar me përplasje me qytetarët.
Një grup protestuesish tentoi të bllokonte qarkullimin në bulevard, në shenjë proteste. Pas kësaj, efektivët e policisë u kërkuan qytetarëve të largoheshin nga rruga, ndërsa ndërhynë fizikisht për t’i zhvendosur drejt trotuarit.
Protestuesit kundërshtuan ndërhyrjen e uniformave blu, duke sjellë përshkallëzim të situatës. Gjatë përplasjes, policia shoqëroi disa prej pjesëmarrësve në protestë, mes tyre edhe gra.







