Gjykata e Posaçme e Apelit pritet të shpallë ditën e nesërme vendimin për çështjen që lidhet me ish-drejtoreshën e Shërbimit Informativ Shtetëror, Vlora Hyseni.
Hyseni nuk ishte e pranishme në seancën gjyqësore të zhvilluar në Apelin e Posaçëm, ndërsa në sallën e gjyqit u paraqit avokati i saj mbrojtës, Kastriot Selita.
Më herët, GJKKO ka vendosur ndaj ish-drejtoreshës masën e sigurisë “arrest në shtëpi”. Ajo dyshohet për përfshirje në çështjen e AKSHI-t, ku sipas akuzës, ka ndihmuar biznesmenin Ergys Agasi gjatë periudhës kur ky i fundit ishte në arrati.
