Situata është përshkallëzuar në ditën e tetë të protestës, pasi demonstruesit janë zhvendosur drejt Ministrisë së Arsimit, ku dyshohet se kanë tentuar t’i vënë flakën godinës.
Tensionet pranë institucionit janë rritur, ndërsa policia u ka bërë thirrje protestuesve të ndalojnë aktet e dhunës dhe të shmangin sulmet ndaj institucioneve publike.
Përballë situatës së krijuar, forcat e policisë kanë ndërhyrë për të shpërndarë turmën, duke përdorur gaz lotsjellës dhe ujë me presion. Ndërhyrja synonte largimin e protestuesve nga godina dhe vënien nën kontroll të situatës.
