Një aksident është regjistruar mesditën e kësaj të premteje në aksin Lushnjë–Berat, në afërsi të fshatit Fiershegan.
Sipas informacioneve paraprake, një trajler me targa shqiptare, i cili po udhëtonte në drejtim të Lushnjës, është përplasur fillimisht me një automjet që po lëvizte në rrugë. Më pas, trajleri ka goditur edhe një tjetër makinë, e cila ishte e parkuar pranë një banese buzë aksit rrugor.
Pas përplasjes, drejtuesi i trajlerit nuk është ndalur për të verifikuar situatën, por është larguar nga vendi i ngjarjes dhe ka vijuar lëvizjen në drejtim të panjohur.
Policia ka nisur kërkimet për identifikimin dhe kapjen e drejtuesit të mjetit, ndërsa po vijojnë hetimet për të zbardhur dinamikën e aksidentit dhe rrethanat e largimit të tij nga vendngjarja.
