Policia ka dhënë detaje nga atentati në Mirditë, ku u vra Viktor Bardhi.
Sipas bluve, Bardhi u gjet i pajetë në makinë dhe dyshohet se është vrarë me armë zjarri.
“Rreth orës 09:00, në fshatin Ndërfushas, është gjetur i pajetë në automjetin e tij, shtetasi V. B., rreth 65 vjeç, i cili dyshohet se është vrarë me armë zjarri.
Grupi hetimor ndodhet në vendngjarje dhe në drejtimin e Prokurorisë, vijon punën për zbardhjen dhe dokumentimin e rrethanave të ngjarjes”, njofton policia.
