Kryeministri Edi Rama ka reaguar pas mbledhjes me deputetët dhe drejtuesit politikë të qarqeve, duke bërë të ditur disa prej çështjeve të diskutuara gjatë takimit.
Përmes një postimi në Facebook, Rama tha se puna është përqendruar te detajimi i programit për sezonin e ri, ku një prej pikave kryesore është kalendarizimi i nismës “Prania Besnike” në të gjithë territorin.
Sipas kryeministrit, gjatë takimit janë diskutuar edhe mekanizma të rinj për ndërveprimin mes qeverisë dhe deputetëve, me synim përmirësimin e mëtejshëm të shërbimeve publike në nivel qendror dhe vendor.
Një tjetër çështje e trajtuar ka qenë “PasqyrAlbania”, për të cilën Rama njoftoi se do të hartohen ndryshime ligjore për ta bërë platformën funksionale.
Kryeministri bëri të ditur gjithashtu se në mbledhje është diskutuar progresi i nismës së integruar “Shqipëria Sociale”.
Për këtë nismë, Rama njoftoi se në muajin nëntor do të zhvillohet një konferencë e posaçme kombëtare.
Reagimi i Ramës:
Vijuam sot punën intensive për detajimin e programit të sezonit të ri, duke nisur nga
kalendarizimi i Pranisë Besnike në çdo territor,
mekanizmat e rinj të ndërveprimit qeveri – deputetë në funksion të përmirësimit të mëtejshëm të shërbimeve publike qendrore e vendore,
si edhe hartimi i ndryshimeve ligjore për PasqyrAlbania.
Po ashtu u diskutua progresi i bërë me hartimin e nismës së integruar Shqipëria Sociale, të cilës do t’i kushtohet një Konferencë e posaçme Kombëtare në muajin nëntor
