Shtetasit shqiptarë do të mund të udhëtojnë drejt Mbretërisë së Marokut pa pasur nevojë për vizë për qëndrime afatshkurtra.
Vendimi është marrë nga autoritetet kompetente marokene dhe i është komunikuar zyrtarisht Ministrisë për Evropën dhe Punët e Jashtme të Shqipërisë përmes Ambasadës së Marokut në Romë, e cila është e akredituar për vendin tonë.
Sipas njoftimit zyrtar të Ministrisë, regjimi i ri pa viza do të hyjë në fuqi duke nisur nga data 15 gusht 2026. Ky lehtësim vlen për të gjithë shtetasit shqiptarë që udhëtojnë drejt Marokut për qëllime turistike apo vizita afatshkurtra.
