Nga Boldnews.al
Bëri jo pak habi emërimi i ish-ministrit të Infrastrukturës së Kosovës, Liburn Aliu, në krye të Portit të Durrësit, në tetor të vitit të kaluar. Rama ia mori Albinit një ministër, por edhe këtë herë nuk ka zhgënjyer aspak dhe nuk kishte si të ndodhte ndryshe. Kryeministri ynë gjithnjë i përzgjedh njerëzit, që më së paku të kenë një bela me drejtësinë…
Ish-ministri i Mjedisit, Planifikimit Hapësinor dhe Infrastrukturës në Kosovë, Liburn Aliu, është paraqitur për t’u marrë në pyetje nga Prokuroria Speciale në Kosovë. Institusionet e drejtësisë atje dyshojnë për kryerjen e veprës penale të “keqpërdorimit të detyrës zyrtare”.
Ardhja e tij në krye të Portit të Durrësit u shit si “vlerë”, por tashmë janë hapur ca karta në Kosovë, kohë kur Aliu mbante postin e rëndësishëm të ministrit të ifrastrukturës. Më 27 gusht të vitit 2025 ai dha dorëheqjen pas zgjedhjes së Dimal Bashës në krye të Kuvendit të Kosovës.
Një muaj pushim dhe Liburni gjeti një “vend pëllumbash” siç është Porti i Durrësit në Shqipëri. Ai u prezantua në këtë detyrë nga ish-zevendëskryeministja dhe ministrja e Infrastrukturës dhe Energjitikës, Belinda Balluku.
Çudia më e madhe në këtë port mbetet fakti që për tre vite radhazi nuk është kapor as edhe një kilogram drogë kokainë, ndonëse tonelata me banane, fruta ekzotike dhe karkalecë deti kalojnë çdo ditë nga ky port…
Të jenë trembur bosët e narkotikëve nga kontrolli i “rreptë” portual, për më tepër që ky institucion përveç drejtorit ka rikthyer në organikë edhe nëndrejtorin? Ai është një 24-vjeçar që punë e parë pasi doli nga bankat e shkollës e pati pikëtisht nëndrejtor. Posti i nëdrejtorit ishte suprimuar në kohën kur çelësat e porti më të madh në vendit i kishte Pirro Vëngu, që më vonë u bë edhe ministër i Mbrojtjes.
Tani për tani drejtori që ende se ka mbushur vitin në këtë post ka ca probleme me Prokuroinë Speciale të Kosovës. Megjithëtë ka edhe disa çështje dhe denoncime që mund të hapin të tjerë dyer. Prokuroritë e dy vendeve duhet të dokordësohen të paktën për ditën dhe orën. Fundja Liburni nuk mund të bëhet “copash” sa atje-këtu.
