Një tjetër ish-kryebashkiak socialist është marrë i pandehur nga Prokuroria e Posaçme Kundër Korrupsionit dhe Krimit të Organizuar (SPAK).
Bëhet fjalë për ish-kryebashkiakun e Divjakës, Fredi Kokoneshi, i cili akuzohet për veprën penale “shpërdorim detyre”, kryer në bashkëpunim.
Dosja, e hetuar nga prokurori Elvin Gokaj, është dërguar tashmë në Gjykatën e Posaçme (GJKKO), ku pritet të hidhet shorti për caktimin e gjyqtarit që do të zhvillojë seancën paraprake.
Së bashku me Kokoneshin, të pandehur janë marrë edhe Andi Bullari, Ledio Xharo dhe Dorian Spaho.
Procedimi penal ndaj tyre është regjistruar për veprën penale “shpërdorim detyre”, kryer në bashkëpunim.
