Pankartat vijojnë të jenë “hit” në protestën që ka hyrë në ditën e 21-të, ku qytetarët po përdorin gjithnjë e më shumë meme virale për të përcjellë mesazhet e tyre kundër qeverisë dhe kërkesën për dorëheqjen e kryeministrit Edi Rama.
Mes pankartave më të spikatura janë mesazhe si “Shteti nuk shitet”, “Edi Rama ka skaduar” dhe “Shqipërinë e shiti ai”, që po qarkullojnë gjerësisht mes protestuesve dhe në rrjetet sociale.
Ndërkohë, protesta po shënon një pjesëmarrje të lartë, me qytetarë nga brenda vendit por edhe një prani të konsiderueshme nga diaspora, të cilët i janë bashkuar marshimit duke e kthyer tubimin në një nga protestat më masive të ditëve të fundit.
