Policia ka arrestuar në Ulqin 40-vjeçarin Besnik Kolndreu, lidhur me ngjarjen e 26 prillit 2026 ku mbetën të vrarë çifti i bashkëshortëve Kreshnik dhe Gentiana Mujeci në fshatin Balldren të Lezhës.
Kolndreu ka fshehur në banesën e tij automjetin e përdorur nga autorët në krim.
Automjeti u gjet dhe u sekuestrua nga shërbimet e Policisë gjatë kontrolleve të kryera në kuadër të hetimeve.
Autorët e dyshuar të vrasjes janë Adriano Mhillaj 22 vjeç, -Florin Mhillaj 36 vjeç, (nipi i Genc Mhillajt), -Renato Mhillaj 23 vjeç, (djali i Genc Mhillajt). Të tre janë banues të Lezhës.
Ata janë shpallur në kërkim ndërkombëtar dhe po punohet për kapjen e tyre.
Vrasja dyshohet për motive gjakmarrjeje. Në 2017, Kreshnik Mujeci u arrestua për vrasjen e Genc Mhillajt. Ky i fundit u ekzekutua me breshëri plumbash në Mal të Jushit, më 6 tetor të vitit 2016.
Njëri prej autorëve të dyshuar për atentatin ndaj çiftit Mujeci është djali i Genc Mhillajt, i cili mbeti i vrarë në vitin 2016.
