Qytetarët do të rikthehen edhe këtë të mërkurë në protestë para godinës së Kryeministrisë, duke vijuar mobilizimin e tyre për të 18-ën ditë radhazi.
Tubimi, i planifikuar të nisë në orën 19:00 për shkak të temperaturave të larta, do të ketë në qendër të tij kërkesën për dorëheqjen e kryeministrit Edi Rama dhe largimin e qeverisë.
Organizatorët bëjnë të ditur se protesta do të pasohet nga një marshim në rrugët kryesore të Tiranës, ndërsa theksojnë se lëvizja do të vazhdojë deri në arritjen e objektivit të saj politik.
