“Gjoba për këtë tipin që hedh mbeturinat në det është 200 mijë lekë. O djali nuk e bën dot ‘të fortin’ duke hedh kanaçen në det.” Kështu është shprehur kreu i grupit parlamentar te PS, Taulant Balla, teksa ka publikuar një video ku shfaqen dy të rinj në një varkë, ndërsa njëri prej tyre hedh një kanaçe në det.
Videoja ka shkaktuar reagime në rrjetet sociale, ndërsa Balla kërkon ndëshkim për ndotjen e mjedisit dhe sjelljet që dëmtojnë bregdetin.
Në postimin e tij, ai ironizon të riun duke thënë se “nuk bëhesh i fortë” duke ndotur detin.
Pamjet janë publikuar fillimisht në rrjetet sociale nga vetë personat që ndodheshin në varkë, ndërsa më pas janë shpërndarë edhe nga Balla, i cili ka kujtuar se për hedhjen e mbeturinave në det parashikohet gjobë deri në 200 mijë lekë.
