Ish-prokurori Ervin Karanxha foli lidhur me grabitjen e sotme në një argjendari në Kamëz.
I ftuar në A2CNN, ai tha se autorët ishin profesionistë, nisur nga veprimet e para që duken në pamjet filmike.
“Ishin profesionistë. Nga veprimet e para që duken në pamjet filmike, ata janë shumë të saktë në veprimet që kryejnë. Nuk kanë qëlluar me armë, thjesht kanë marrë gjërat që donin, duket që kanë kohë që e ruajnë objektivin dhe kanë gjetur momentin më të përshtatshëm.
Ndoshta, pse jo, edhe në momentin që policia vendos gjobat, kur janë të angazhuar në dokumentimin e shkeljes administrative duke i bërë foto parkimit dysh, ndërkohë që nga ana tjetër këta kanë realizuar ngjarjen kriminale”, tha Karanxha.
