Ka nisur protesta e thirrur nga Partia Demokratike, pasditen e kësaj të premte në Tiranë.
Kryedemokrati, Sali Berisha, ka dalë nga selia blu, i shoqëruar nga deputetë dhe mbështetës të PD-së, duke u nisur drejt Kryeministrisë, ndërsa shoqërohet nga demokratët.
Sot pritet një marshim-protestë, megjithatë nuk dihet ende nëse do të ketë fjalime nga demokratët.
Tubimi do të nis para Kryeministrisë dhe më pas pritet të vazhdojë si zakonisht te godina e Kuvendit dhe te korpusi i ministrive në hyrje të bulevardit.
