Afrim Tafa është shkarkuar këtë të mërkurë nga detyra e drejtort të Policisë së Durrësit.
Burime për mediat bëjnë me dije se Tafa është emëruar si shef sektori pranë Interpolit, detyrë që e ka mbajtur edhe më herët para se të merrte drejtimin e policisë në qarkun e Durrësit.
Fillimisht, Tafa u pezullua nga detyra së bashku me dy zyrtarë të tjerë të Policisë së Durrësit, pas aksidentit tragjik të ndodhur në zonën e ish-Kënetës.
Ngjarja e rëndë i mori jetën dy fëmijëve të mitur dhe la të plagosur një tjetër, duke ngritur shqetësime të forta mbi reagimin dhe veprimet e strukturave policore pas denoncimeve të banorëve të zonës.
