Një aksident i rëndë rrugor është regjistruar në lagjen nr. 15 në Durrës, ku si pasojë kanë humbur jetën dy fëmijë, ndërsa një tjetër ka mbetur i plagosur.
Sipas informacioneve paraprake, të miturit janë përplasur nga një automjet në rrethana që ende nuk janë sqaruar plotësisht.
Fëmija i plagosur është transportuar në Tiranë për kujdes të specializuar.
Drejtuesi i automjetit, shtetasi me iniciale N.R., është shoqëruar dhe më pas arrestuar nga policia, ndërsa grupi hetimor po punon për zbardhjen e plotë të shkaqeve dhe rrethanave të aksidentit.
