Një aksident rrugor është regjistruar mëngjesin e sotëm, rreth orës 08:30, në rrugën nacionale Fushë Krujë–Durrës, në kilometrin e dytë në dalje nga Fushë Kruja.
Sipas të dhënave paraprake, dy automjete janë përplasur me njëra-tjetrën dhe si pasojë kanë dalë nga rruga, duke përfunduar në kanal. Dyshohet se shkak i aksidentit është bërë tentativa për parakalim nga njëri prej mjeteve, i cili drejtohej nga një femër, por manovra nuk ka rezultuar e suksesshme, duke çuar në përplasjen e dy mjeteve.
Nga aksidenti kanë mbetur të lënduar drejtuesja e automjetit si dhe një pasagjer, të cilët janë transportuar për ndihmë mjekësore.
Në vendngjarje kanë mbërritur forcat e policisë dhe grupi hetimor, të cilët po punojnë për zbardhjen e plotë të rrethanave të aksidentit.
