Derbi i fundit mes Tiranës dhe Partizanit, nuk kaloi pa trazira dhe ndërhyrje nga policia.
Autoritetet kanë njoftuar se gjatë ndeshjes janë kryer disa arrestime për shkelje të rregullave dhe akte të dhunshme.
Sipas njoftimit zyrtar, specialistët për Hetimin e Krimeve të Komisariatit të Policisë Nr. 1 kanë arrestuar tre tifozë.
J. L., 23 vjeç, u ndalua pasi dyshohet se ka goditur punonjësit e sigurisë gjatë ndeshjes.
Ndërkohë, K. A., 22 vjeç, akuzohet se ka hedhur lëndë piroteknike në stadium, duke rrezikuar sigurinë e të pranishmëve.
Po ashtu, G. C., 18 vjeç, u arrestua pasi dyshohet se ka thyer stola në tribunat e stadiumit.
