GJKKO ka pranuar kërkesën e Berishës për të thirrur kryeministrin Rama, si dëshmitar në dosjen “Partizani”.
Sipas gazetares Klodiana Lala, gjykata ka pranuar kërkesën e mbrojtjes së Berishës, të cilët kanë argumentuar se dëshmia e Ramës, në kohën kur ai ka mbajtur postin e kryetarit të Bashkisë së Tiranë, është kyçe për sqarimin e ndryshimeve të destinacionit të pronës së ish-kompleksit sportiv “Partizani”.
Para marrjes në pyetje të kryeministrit, procesi do të vijojë me dëshmitarët e thirrur nga prokuroria, përfshirë ish-zyrtarë dhe ekspertë në hetimin e privatizimit të ish-kompleksit sportiv “Partizani”.
