Arlis Shpk, në pronësi të Armand Lilo është kompania që ka ndërtuar kompleksin në afërsi të Qendrës Spitalore Universitare “Nënë Tereza” i cili është përfshirë nga flakët.
Sipas informacioneve paraprake, flakët kanë nisur në katin e parë dhe janë përhapur me shpejtësi në fasadën e godinës, e cila dyshohet se është e veshur me polisterol, një material lehtësisht i djegshëm.
Mesa duket Lilo e “ka mbajtur dorën shtrënguar”, dhe ska investuar siç duhet në materiale rezistente.
Përfshihet nga flakët një pallat pranë QSUT, në rrezik i gjithë kompleksi
Ky kompleks pallatesh është përfshirë nga flakët edhe disa vite më parë. Kujtojmë që në vitin 2021 kompleksi i pallateve të ndërtuara nga firma Arlis SHPK, kur ishte ende në fazë ndërtimi, u përfshi nga zjarri dhe iu dogj fasada.
Disa të lënduar, vijojnë evakuimet
QSUT ka dhënë detaje lidhur me situatën e qytetarëve të prekur nga zjarri që përfshiu kompleksin e banimit në Tiranë.
Mësohet se 6 persona janë lënduar, bëhet fjalë për 3 qytetarë dhe 3 zjarrfikës që po trajtohen për asfiksi.
Forcat zjarrfikëse po evakuojnë banorët të cilët ndodhen ende brenda pallatit.
Flakët shkrumbojnë pallatin në Tiranë/ QSUT: 3 qytetarë dhe 3 zjarrfikës po trajtohen për asfiksi
Ndërkohë që nuk kanë munguar as konfrontimet mes banorëve dhe forcave të rendit të cilët kanë vendosur perimetrin e sigurisë duke mos lejuar askënd t’i afrohet kompleksit.
