Dhjetëra mesazhe mashtruese që duken të ngjashme me njoftimet për dorëzim pakosh nga Posta, kanë ngritur alarmin te qytetarët.
Sipas SMS të mbërritur në telefonin celular të tyre, thuhet se një pako ka mbërritur në destinacion por për të konfirmuar adresën duhet të klikoni një link.
Sipas informacioneve, ky link ka përmbajtje hakërimi me qëllim marrjen e të dhënave personale, informacioneve bankare dhe qasjes në llogaritë financiare të qytetarëve.
Këto sulme mund të rezultojnë me pasoja si humbje parash, shfrytëzim të identitetit dhe ekspozim të informacionit personal.
Ndaj këshillohet që të gjithë qytetarët që marrin një mesazh të ngjashëm si më poshtë ta fshijnë direkt pa bërë asnjë veprim tjetër.
