Ish-kryebashkiaku i Durrësit, Vangjush Dako, është parë së fundmi në Tiranë, në daljet e para publike pas lirimit nga qelia në shkurt të vitit 2024.
Ai është fotografuar në shoqërinë e juristit Eridian Salianji, teksa të dy duken të angazhuar në një bisedë të gjatë. Nga pamjet, Dako shfaqet në gjendje të mirë dhe i veshur në mënyrë casual, ndërsa duket se ruan ende kontakte me persona të afërt në Partinë Socialiste.
Pas tetë muajsh në paraburgim, Dako u lirua pasi Prokuroria e Posaçme nuk arriti të përmbushë brenda afateve detyrat hetimore të lëna nga gjykata gjatë shqyrtimit të çështjes për gjykim.
Më pas, ndaj tij u caktua masa e sigurisë “arrest shtëpie”, e cila qëndroi në fuqi deri në vendimmarrjen e Apelit.
