Komunitetet rom dhe egjiptian në qarkun e Korçës përballen me kushte të vështira jetese, pa stabilitet ekonomik dhe shpesh pa banesa të sigurta.
Shumë prej tyre mbijetojnë duke grumbulluar materiale të riciklueshme, një aktivitet me të ardhura minimale.
Banorët raportojnë se mungesa e ndihmës institucionale është e vazhdueshme:
“Me 100 mijë lekë pension, jam pa bukë. Ku të vete? Të vjedh? Çfarë të ha? As nuk jetohet fare,” thotë një banor për Euronews.
Sipas raportimeve, situata e ngjashme vlen edhe për qytetet Pogradec, Bilisht dhe Maliq.
Ndërkohë, në Ditën Ndërkombëtare të Romëve, përfaqësues të komunitetit apeluan për masa konkrete për përfshirje sociale, punësim dhe përmirësim të kushteve të jetesës.
