Jeni duke bërë tifo për Shqipërinë dhe po shihni videot e shqiptarëve në Poloni?
Atëherë bëni një ndalesë edhe në faqen zyrtare të Bashkisë së Himarës. Aty do të gjeni kryetarin Vangjel Tavo që, nga një institucion i Republikës së Shqipërisë, uron me përzemërsi formimin e shtetit grek – madje edhe në greqisht.
Urimi për 25 marsin është publikuar nga faqja zyrtare e bashkisë, sikur Himara të ishte ndonjë komunë në Peloponez dhe jo një bashki shqiptare në bregdetin e jugut.
Natyrisht, askush nuk ka problem me respektin për historinë e një populli tjetër. Por kur një kryetar bashkie shqiptare zgjedh ta kthejë faqen institucionale në një tabelë urimesh për festat kombëtare të një shteti tjetër, pyetja bëhet e pashmangshme:
Kujt i flet ky mesazh dhe në emër të kujt?
Sepse, për sa dimë deri tani, Himara është ende bashki e Shqipërisë.
