Kreu i Grupit të PS, Taulant Balla e cilëson histori të madhe suksesi reformën në drejtësi.
Në një konferencë për mediat, Balla u shpreh se nuk ka tërheqje nga kryeministri Edi Rama për integrimin në BE.
Sipas Ballës, misionin për anëtarësimin e Shqipërisë në BE, do e përmbyllë Rama dhe PS.
“Nuk ka asnjë tërheqje nga kryeministri Rama. Kemi agjendë, nuk ka ardhur nga ne, ka ardhur nga vendimmarësit në Bruksel. Askush nuk do e kishte menduar se në çfarë situatë gjeopolitike do ndodhej Europa dhe bota. Jemi i vetmi vend në historinë e BE, që po tenton të mbyllë dy kapitujt më të vështirë, të marrëveshjes, në fillim. Kemi bërë histori të madhe suksesi në reformën në drejtësi. Shqipëria 2030 është vizion i cili udhëhiqet nga Edi Rama dhe PS dhe jam shumë i sigurt që këtë mision do përmbyllë Edi Rama dhe PS”, theksoi ai.
