Policia në Lushnjë ka shpallur në kërkim një 21-vjeçar të identifikuar si Marlind Sulo.
Sipas burimeve policore, gjithçka nisi nga informacione operative se një i ri po lëvizte i armatosur në qytet dhe ishte ulur në një bar-kafe në lagjen “Xhevdet Nepravishta”.
Gjatë kontrollit në tavolinën ku ndodheshin disa të rinj, efektivët gjetën një pistoletë me municion luftarak të fshehur në xhepin e një xhupi të hedhur mbi karrige.
Në momentin e ndërhyrjes, policia zbuloi se personi që dyshohet si pronar i armës nuk ndodhej më aty.
Hetimet zbuluan se xhupi dhe arma i përkisnin Marlind Sulos i cili ishte larguar pak minuta më parë drejt një berberhaneje dhe nuk u kthye më. Ai tashmë është shpallur në kërkim ndërsa, ndërsa 5 shokë të tij përfunduan në pranga sepse nuk treguan të vërtetën.
