Niko Peleshi ka treguar gjatë seancës së sotme plenare në Kuvend, se kur do të dorëzohet raporti i anëtarëve socialistë në Këshillin e Mandateve për Imunitetin e Belinda Ballukut.
Peleshi ka deklaruar se grupet parlamentare janë të detyruara brenda dy javësh të paraqesin raportin dhe PS do ta dorëzojë raportin e saj më datë 12 Mars.
“Sipas rregullores, Grupet parlamentare janë të detyruara brenda dy javësh të paraqesin raportin. Palët në Këshillin e Mandateve me opinionet e tyre duhet të paraqiten raportin brenda dy javësh. Raporti duhet të përmbajë mendimet e të gjitha palëve. Kemi vendosur në këshill dy relatorë. Në seancën e radhës, 12 mars, do të paraqitet raporti në atë séance”m- ka deklaruar Peleshi.
Ndërkohë pak ditë më parë pesë anëtarët e Partisë Demokratike dorëzuan raportin e tyre, të cilët ishin pro arrestimit të Ballukut.
Në raport ata kishin paraqitur edhe argumentet e SPAK, ku prokurorët kërkonin arrestimin e Ballukut me argumentin se rrezikon të prishë provat dhe të intimidojë dëshmitarët.
