Sektori i peshkimit drejt falimentit. Llazi Prifti, peshkatar prej 65 vitesh thotë se ngrohja globale ka dhënë pasojat e saj, por në këtë drejtim ka ndikuar drastikisht dora e njeriut.
Sipas Priftit, sasia e peshkut në Vlorë është ulur ndjeshëm, ku fajtorë janë edhe peshkatarët e qytetit, të cilët gjuajnë pa asnjë rregull apo kriter.
Sipas peshkatarit të vjetër, ligji i peshkimit nuk zbatohet, ku ai thotë se gjuetia në periudhën që peshku hedh vezët duhet ndaluar. Sipas Priftit, vazhdon edhe fenomeni negativ i gjuatjes me dinamit teksa pasoja negative në këtë sektor ka dhënë edhe ndotja tej normave të lejuara në det.
Peshkimi brenda gjirit të Vlorës si dhe ai me dinamit janë një problematik e evidentuar dhe nga ambientalistët. Niko Dumani thotë se problemi qëndron tek anijet e mëdha të peshkimit të cilat vijnë shumë pranë bregut për të peshkuar duke hedhur mijëra metra rrjeta, duke dëmtuar ekosistemin ujor
Sipas ambientalistit, pasojat e peshkimit me dinamit janë kolosale, ku krahas peshqve që vriten me dinamit, tabani detar ndotet me lëndë kimike, në të ushqehen me qindra inventerbror, të cilët janë ushqim për peshq të tjërë që ngordhin nga helmet e dinamitit.
Sektori i peshkimit krahas problemeve të shumta që ka çdo ditë, është edhe një prej sektorëve më të harruar nga pushteti, ku për peshkatarët e Vlorës mungon mbështetja financiare. /A2 CNN
