Rrjeti SafeJournalists ka publikuar sot një deklaratë të përbashkët në lidhje me rrezikun serioz që u vu përpara Aldo Kashrit, operator kamerash i News24, gjatë protestës së zhvilluar më 10 shkurt 2026 në Tiranë.
Deklarata përmend gjithashtu ekspozimin e gazetarëve dhe punonjësve të tjerë të medias ndaj gazit lotsjellës dhe masave të tjera të përdorura për shpërndarjen e turmës, duke rrezikuar sigurinë e tyre gjatë raportimit.
SafeJournalists thekson se siguria e gazetarëve gjatë tubimeve publike është një përgjegjësi e përbashkët e organizatorëve, autoriteteve dhe redaksive, dhe nënvizon se asnjë gazetar nuk duhet të përballet me rrezik për jetën gjatë raportimit në interes të publikut.
Rrjeti i gazetarëve bën thirrje për respektim të të drejtave të punonjësve të medias dhe për masat e duhura për të garantuar sigurinë e tyre gjatë çdo aktiviteti publik, duke theksuar rolin e pazëvendësueshëm të mediave në informimin e qytetarëve.
