Një tjetër denoncim për sigurinë ushqimore është bërë nga një qytetar. Sipas JOQ qytetari shkruan e ka blerë djathë dhie të markës “Erzeni” me afat skadence deri më 17 prill, por produkti rezultonte i prishur dhe me shenja të dukshme myku, ndonëse ndodhemi ende në muajin shkurt.
Më herët është denoncuar se nga kontrollet e kryera në territorin e Vlorës, AKU ka zbuluar se shqiptarët kanë konsumuar edhe qumësht me aflatoksinë. Produktet e kontaminuara i përkasin pikërisht Lufrës dhe Erzenit.
U raportua se nga 26 mostra të marra nga janari deri në prill 2025, 10 prej tyre kanë rezultuar pozitive dhe sipas specialistëve 40% e qumështit të kontrolluar ishte i kontaminuar mbi normat e sigurisë ushqimore.
Aflatoksina është një toksinë e krijuar nga myku që rritet tek drithërat, misri dhe gruri. Kur lopët ushqehen me foragjere të kontaminuara aflatoksinë sekretohet më pas te qumështi që prodhojnë.
