Aksi nacional, Librazhd–Qafë Thanë, i cili u paralizua ditën e djeshme si pasojë e një masivi shkëmbor, vijon të jetë i bllokuar pjesërisht, në zonën e njohur si “Kthesat e Dragostunjës”.
Sipas raportimeve, aktualisht vetëm një korsi, e gjysmë e rrugës është e hapur, ndërsa një gur gjigant ndodhet ende mbi asfalt, duke përbërë rrezik real për drejtuesit e mjeteve.
Ndërkohë mësohet se në terren nuk ka asnjë sinjalistikë paralajmëruese, as punonjës që të këshillojnë drejtuesit e mjeteve të ulin shpejtësinë në një segment që mbetet tejet i rrezikshëm.
Situata ka ngritur gjithashtu edhe shqetësime mjedisore. Ndërkohë, Kreu i Autoritetit Rrugor Shqiptar, Ami Kozeli, mohoi që shembja e masivit të jetë shkaktuar nga punimet për zgjerimin e Korridorit VIII. Sipas tij, kjo ka ndodhur sepse mali ka pirë shumë ujë dhe lagështi.
