Destinacionet më të mira u zgjodhën bazuar në aksesin në kujdesin shëndetësor, koston e jetesës dhe kushtet e motit.
Nëse e keni menduar ndonjëherë mundësinë e daljes në pension jashtë vendit, ka faktorë të panumërt për t’u marrë në konsideratë.
Për fat të mirë, raporti vjetor i revistës “International Living” mbi destinacionet analizon të gjithë elementët kryesorë, nga kostoja e jetesës deri te sa e lehtë është të lëvizësh. Faktorët kryesorë përfshijnë kërkesat për vizë, disponueshmërinë e kujdesit shëndetësor dhe klimën e vendit.
Pas analizimit të 195 vendeve, studimi e shpalli Greqinë destinacionin më të mirë për pensionistët në vitin 2026. Greqia ofron një klimë të ngrohtë, një komunitet të gjallë dhe emigrantët mund të marrin me qira një shtëpi me tre dhoma gjumi me pamje nga deti për rreth 1,000 euro në muaj.
Sipas “International Insurance”, sistemi i kujdesit shëndetësor në Greqi përfshin si kujdesin shëndetësor publik ashtu edhe ofruesit e shërbimeve private.Pensionistët mund të paguajnë rreth 250 euro në muaj për kujdes shëndetësor privat për të marrë kujdes “vazhdimisht të mirë”.
Ekziston gjithashtu një raport i lartë i profesionistëve mjekësorë me popullsinë, dhe kujdesi bazë emergjent është falas për të gjithë, përfshirë të huajt.
Farmacitë, klinikat jashtë orarit të punës dhe qendrat shëndetësore komunitare ofrojnë mundësi shtesë të kujdesit shëndetësor.
Në qytete më të vogla dhe në ishuj të largët, farmacitë janë të pajisura për të ofruar një numër shërbimesh mjekësore, duke përfshirë ndihmën me urgjenca të vogla, shkruan Express.co.uk.Vendi i dytë më i mirë për t’u zhvendosur në vitin 2026 është Panamaja. Ajo ofron një komunitet aktiv të emigrantëve dhe ka mundësi zgjedhjeje midis kujdesit shëndetësor publik dhe privat, me atë privat që ofron ambiente moderne dhe staf që flet anglisht.
Vendet më të mira për të dalë në pension në vitin 2026:
Greqi
Panama
Kosta Rika
Portugalia
Meksikë
Italia
Francë
Spanjë
Tajlandë
Malajzi
