Presidentja e Kosovës, Vjosa Osmani ishte sot pjesë e “Bordit të Paqes”, të mbajtur në Davos, ku presidenti i SHBA-vë, Donald Trump prezantoi nisëm, ndërsa vendet pjesëmarrëse nënshkruan marrëveshjen.
Vjosa Osmani dhe Presidenti Donald Trump kanë shtrënguar duart dhe janë parë ‘kokë më kokë’ duke shkëmbyer një bisedë të shkurtër për disa sekonda, përpara se të bënin nënshkrimin e marrëveshjes.
Më herët Presidentja, Vjosa Osmani ka bërë të ditur se ndodhet në Davos me ftesë të presidentit amerikan, Donald Trump për ceremoninë e themelimit të Bordit të Paqes, si anëtare themeluese.
Në këtë takim ishin të pranishëm disa liderë botërorë, ndërsa u vu re mungesa e Edi Ramës, Lukashenkos dhe To Lam.
