Një ngjarje e rëndë raportohet të ketë ndodhur në qytetin e Shkodrës. Një 16-vjeçare ka humbur jetën në Spitalin Rajonal të qytetit pas një gjendjeje emergjente shëndetësore.
Sipas informacionit paraprak, dyshohet se shkaku ka qenë një arrest kardiorespirator, i cili ka çuar në ndalimin e funksioneve vitale të zemrës dhe mushkërive.
Grupi hetimor është ngritur dhe po zhvillon veprimet e nevojshme, nën drejtimin e Prokurorisë së Shkodrës, për të përcaktuar më saktë shkakun e vdekjes dhe për të zbardhur rrethanat që mund të kenë çuar në këtë fatkeqësi.
