Gent Progni ka bërë publik një denoncim lidhur me mënyrën e mbledhjes së firmave online nga Partia Mundësia, duke ngritur dyshime mbi përpunimin dhe burimin e të dhënave personale të qytetarëve.
Sipas tij, problematike nuk është vetëm kërkesa për të dhëna personale gjatë firmosjes, por fakti se sistemi i faqes online, në disa raste, i përgjigjet përdoruesve me mesazhin “të dhënat nuk përputhen”. Progni thekson se kjo tregon se të dhënat e futura nga qytetarët krahasohen me një databazë ekzistuese në server, çka nënkupton se subjekti politik i disponon këto të dhëna paraprakisht.
Denoncimi ngre pikëpyetje mbi burimin e kësaj databaze, duke pyetur publikisht se ku i ka siguruar Agron Shehaj të dhënat e qytetarëve dhe pse Partia Mundësia nuk rezulton e regjistruar në Regjistrin e Kontrolluesve pranë Komisionerit për Mbrojtjen e të Dhënave Personale, siç e kërkon ligji.
Progni ngre gjithashtu dyshime mbi burimin e numrave të telefonit, duke përmendur lidhje indirekte mes drejtuesve të Partisë Mundësia, Euronews Albania dhe biznesmenit Theodhori Cami, të cilat sipas tij kërkojnë verifikim institucional.
Sipas Ligjit nr. 124 të 2024 për mbrojtjen e të dhënave personale, përpunimi pa bazë ligjore përbën shkelje të rëndë dhe mund të sjellë pasoja administrative dhe penale. Progni kërkon që institucionet përgjegjëse të hetojnë rastin dhe të garantojnë respektimin e ligjit.
Për denoncimin e plotë të Prognit, klikoni këtu.
